Rəqs kollektivləri üçün treninq keçirilib
Azərbaycan Respublikası Mədəniyyət və Turizm Nazirliyinin müfafiq əmrinə əsasən Lənkəranda ilk dəfə olaraq bölgədə fəaliyyət göstərən rəqs kollektivlərinin bədii rəhbərləri və üzvləri üçün treninqlər təşkil olunmuşdur.
Treninqlər 20-21 fevral 2015-ci il tarixlərdə Lənkəran şəhərində Heydər Əliyev Mərkəzində keçirilmişdir. Treninqlərdə Bakı Xoreoqrafiya Akademiyasının aparıcı müəllimi Nailya Həsənova və müəllim heyəti Lənkəran şəhəriin, Astara, Masallı və Lerik rayonlarının rəqs kollektivlərinin bədii rəhbərləri və üzvləri üçün Azərbaycan milli rəqsləri üzrə məşğələlər keçiriblər. Treninqlər iştirakçılarına Azərbaycan milli rəqsinin yaranma tarixi və əsasları haqqında geniş məlumatlar verilmiş, müxtəlif rəqs elementləri əyani nümayiş olunmuşdur. Tədbir çərçivəsində Lənkəran rayonunun Girdəni kənd diyarşünaslıq evinin “Vənəşə” və Boladi kənd folklor klubunun “Kinəlim” folklor rəqs kollektivlərinin ifasında milli rəqslər ifa olunmuşdur.
