LƏNKƏRAN ŞƏHƏR HEYDƏR ƏLİYEV MƏRKƏZİ TƏRƏFİNDƏN UŞAQLAR ÜÇÜN RƏSM ƏSƏRLƏRİNİN SƏYYARİ SƏRGİSİ TƏŞKİL OLUNMUŞDUR
10 sentiyabr 2014-cü il tarixində Lənkəran şəhər Heydər Əliyev Mərkəzi tərəfindən Osman Mirzəyev adına qarışıq tipli uşaq evində ’’Sülh aylığı’’ çərçıvəsində ’’Uşaqlar sülh uğrunda ’’ devizi altında rəsm əsərlərinin səyyari sərgisi təşkil olunmuşdur.Sərgidə Mərkəzin rəsm studiyasının gənc istedadlarının sülh və azadlıq ideyalarına həsr edilmiş rəsmləri nümayiş etdirilmişdir.Açılışda H.Əliyev Mərkəzinin baş mühafizi A.İbrahimova və elmi işçisi R.Şahbazi çıxış edərək respublikada hər il keçirilən Sülh aylığının ictimai – siyasi əhəmiyyətindən danışmışlar.Tədbirdə Ümummilli Lider Heydər Əliyevin ölkəmizdə sülhün və təhlükəsizliyin bərqərar olması yolundakı titanik xidmətləri və bu siyasi kursun cənab Prezident İlham Əliyev tərəfindən uğurla davam etdirildiyi qeyd olunmuşdur.Sərği iştirakçılar tərəfindən böyük maraqla izlənilmişdir.